Acot tiwala sa kakayahan ng Makati
Francisco Cagape (Pilipino Star Ngayon) - February 27, 2020 - 12:00am

MANILA, Philippines —  Matapos ipasok ang No. 3 seed Makati Super Crunch sa semifinal round ng Northern Division, malaki ang tiwala ni head coach Beaujing Acot na malalampasan ng tropa ang hamon ng No. 2 seed Manila Stars sa kanilang paghaharap sa best-of-three series simula bukas sa pagpapatuloy ng 2019-2020 MPBL-Chooks-to-Go Lakan Cup sa FilOil Flying V Center sa San Juan City.

“If we are consistent on defense and communicate on offense, we’ll be able to put up a good fight,” pahayag ni Acot, na pumalit kay Cholo Villanueva bilang head coach ng Makati.

Tumapos ang Super Crunch sa 22-8 win-loss kartada para sa ikatlong puwesto sa likuran ng na­ngungunang San Juan Knights (26-4) at pumapangalawang Manila Stars (25-5) sa Northern group.

Sa gabay ni Acot, tulu­yang pinatalsik ng Super Crunch ang No. 6 seed Bulacan Kuyas, 2-0, sa best-of-three quarterfinals upang tumuntong sa semis sa unang pagkakataon matapos walisin ng Quezon City Capitals, 0-2, sa quarterfinals noong naka­raang Datu Cup.

Malaki umano ang na­tutunan ni Acot sa kabi­guan ng Makati na pumasok sa semis sa nakalipas na Datu Cup sa pangunguna ni da­ting coach Villanueva.

Sasandal si Acot kina Joseph Sedurifa, June Kenneth Mocon, Roy Ca­yanan, Rudy Lingganay, Cedric Ablaza, John Rey Villanueva, James Mangahas, Carlos Morales, David Carlos, Joseph Manla­ngit, Gio Lasquety, Jaycee Asuncion at Jeckster Apinan.

BEAUJING ACOT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with