Bagsik ng Gilas Pilipinas lutang na lutang vs Indons
MANILA, Philippines — Balanseng atake ang naging armas ng Gilas Pilipinas upang mabilis na mapataob ang Indonesia sa first window ng 2021 FIBA Asia Cup qualifiers na ginanap noong Linggo sa Britama Arena sa Jakarta, Indonesia.
Nagresulta ito sa impresibong 100-70 demolisyon ng Pinoy cagers sa host team.
Pinuri ni Gilas Pilipinas interim head coach Mark Dickel ang magandang ipinamalas ng kanyang bataan.
“We are trying to establish a style of play with Gilas Pilipinas and that takes time. The style of play is one that naturally suits the Filipino players skills set. Pressure defense and unselfish offense with an emphasis on outside shooting,” ani Dickel.
Partikular na nakakuha ng mataas na marka ang mga bagitong manlalaro na nagpasiklab ng husto laban sa Indonesia.
“The PBA players were great in giving their time and their leadership. The younger players stepped up to a good level allowing us to play to everyone with quality minutes,” ani Dickel.
Sa kabila ng impresibong panalo, sinabi ni Dickel na may mga dapat pang ayusin ang Gilas Pilipinas upang mas lalong maging mabagsik ito lalo pa’t haharap ang tropa sa mapanganib na Thailand sa kanilang susunod na laro.
“I thought our defense for most part was good. Our offense is a work in progress,” ani Dickel.
Lamang na lamang ang Gilas Pilipinas sa rebounding (55-33) at steals (15-6) habang mayroon itong efficiency rating na 43 percent sa shooting at 23-12 edge sa assists.
Nanguna sa ratsada ng Gilas Pilipinas si Thirdy Ravena na humataw ng 23 points, walong rebounds, tatlong assists at dalawang blocks.
Wala pang anunsiyo kung kailan matutuloy ang Philippines-Thailand game na una nang nakansela dahil sa coronavirus outbreak.
- Latest
