_ngayon
^

Polo competition ipinagpaliban uli

Francisco Cagape (Pilipino Star Ngayon) - December 5, 2019 - 12:00am

BATANGAS, Philippines — Dahil sa grabeng pag-ulan dulot ng Bagyong ‘Tisoy’ noong Martes, muling ipinagpaliban kahapon sa ikalawang sunod na araw ang pagdaraos sa 0-2 goals division ng polo event sa 30th Southeast Asian Games sa Miguel Romero Polo Field sa Calatagan, Batangas.

Ipinagpaliban ang laro para tiyakin ng mga opisyales ang kaligtasan ng mga atleta at maayos na kundisyon ng playing field para sa inaasahang “battle royale” sa nasabing kumpetisyon.

Ang Team Philippines ay pangungunahan nina Jose Antonio Veloso, Noel Vecinal, Benjamin Eusebio, Julian Garcia, Franchesca Nicole Eusebio, Stefano Juban at Rep. Mikee Romero kontra sa Malaysia.

“Nakakapanghinayang since everybody is ready and excited to play na sana but we have to follow the recommendation of the officials. This is for our safety,” sabi ni Romero.

Bukod sa pagtatagpo ng Pilipinas at Malaysia, ipinagpaliban din ang laro ng Indonesia kontra sa Singapore.

Kung tuluyang gumanda ang ang panahon, gaganapin ang Indonesia-Singapore match sa alas-12:30 ng hapon ngayong araw at susundan ng laban ng Philippines at Malaysia sa alas-3 ng hapon.

Ang susunod na laro ay sa Biyernes bago ang pa­hinga sa Sabado at ipagpapatuloy sa Linggo.

BATANGAS JOSE ANTONIO VELOSO MIGUEL ROMERO POLO FIELD SA CALATAGAN NOEL VECINAL POLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with