Giannis tumipa ng triple-double
MILWAUKEE -- Hindi na bago ang pagtatala ng triple-doubles para kay Giannis Antetokounmpo.
Ngunit nagulat siya sa kanyang itinala sa 137-129 panalo ng Bucks kontra sa Portland Trail Blazers.
Kumolekta si Antetokounmpo ng 24 points, 19 rebounds at career-best na 15 assists na pumukaw ng atensyon ni Milwaukee coach Mike Budenholzer.
“I thought tonight was one of his best nights of just seeing the floor and really being a playmaker with 15 assists [and] in a lot of different ways he got the assists,” wika ni Budenholzer kay Antetokounmpo.
Nag-ambag si guard Eric Bledsoe ng 30 points at 6 assists sa highest-scoring game ng Bucks ngayong season.
Matapos namang maglista ng 10 points mula sa 4-of-14 shooting sa kanyang season debut laban sa New Orleans Pelicans kamakalawa ay nagtala si Carmelo Anthony ng 18 points para sa Blazers.
Sa Phoenix, tumipa si Brandon Ingram ng 15 sa kanyang 28 points sa fourth quarter, habang nagdagdag si JJ Redick ng 26 markers para akayin ang Pelicans sa 124-121 pagdaig sa Suns.
- Latest