Macatula, Tan pa-Indonesia na
MANILA, Philippines — Tangan nina national men’s champion Merwyn Tan at women’s titlist Krizziah Tabora-Macatula ang malaking tiwala sa kanilang pagsabak sa 2019 Qubica AMF Bowling World Cup International Finals simula sa Nobyembre 16-22 sa Indonesia.
Tutungo ngayon sina Tan at Tabora-Macatula sa Palembang, Indonesia kung saan gaganapin ang kumpetisyon.
Ang 28-anyos na si Macatula ay ang women’s international titlist sa Hermosillo, Mexico noong 2017 kaya malakas ang kanyang paniniwala na muling madomina ang 2019 edisyon ng Women’s Bowling World Cup.
Malakas din ang determinasyon ni Tan sa nasabing torneo matapos tumapos sa pang-11th puwesto sa Sam’s Town competition sa Las Vegas, Nevada.
Si Tan ay isang 20-anyos marketing first year estudyante ng College of St. Benilde sa Antipolo City.
Nakuha nina Tan at Macatula ang karapatan na maglaro para sa bansa sa World Cup makaraang magwagi sa national championships noong nakaraang Setyembre 13.
Si Macatula--ang tanging ikatlong Filipina na nag-kampeon sa Bowling World Cup, ang iba ay sina Lita de la Rosa at Bong Coo.
- Latest
