Lowry, Siakam gumana sa Raptors
TORONTO -- Kumolekta si Pascal Siakam ng 23 points at 13 rebounds habang tumipa si Kyle Lowry ng 24 para pamunuan ang 124-120 paggupo ng Raptors kontra sa Sacramento Kings.
Humugot naman si Serge Ibaka ng 10 sa kanyang 21 points sa fourth quarter at tumapos si OG Anunoby na may season-high 18 markers para sa pang-limang sunod na panalo ng Raptors laban sa Kings.
Nagdagdag sina Fred VanVleet at Marc Gasol ng tig-12 points para sa Toronto, may 4-0 home record ngayong season.
Binanderahan ni Harrison Barnes ang Sacramento mula sa kanyang 26 points kasunod ang 22 at 21 markers nina Bogdan Bogdanovic at Buddy Hield, ayon sa pagkakasunod.
Tinapos ng Raptors ang two-game winning streak ng Kings, nauna nang tinalo ang Utah Jazz at New York Knicks makaraan ang 0-5 panimula.
Sa Indianapolis, pinatumba ng Indiana Pacers ang Washington Wizards, 121-106 tampok ang 21 points ni T.J. Warren.
Sa Salt Lake City, kumamada si Donovan Mitchell ng 24 points para ihatid ang Utah Jazz sa 106-104 paggiba sa Philadelphia 76ers.
- Latest
