Manny dapat nang magretiro kung ‘di matutuloy ang laban kay Floyd
MANILA, Philippines — Kung hindi matutuloy ang rematch kay undefeated American fighter Floyd Mayweather, Jr., magretiro ka na lang!
Ito ang payo ni Top Rank Promotions chief Bob Arum kay Filipino eight-division world champion Manny Pacquiao.
Itinuturing nang anak ni Arum si Pacquiao na ilang dekada niyang nakasama.
Aminado si Arum na bilib siya sa kapasidad ni Pacquiao kung boksing ang pag-uusapan.
Magagandang salita rin ang binibitawan ni Arum sa personal na buhay ni Pacquiao at sa pagiging mabuting tao.
Kaya ganoon na lamang ang pag-aalala ni Arum para sa dating alaga.
“Pacquiao, I promoted him for many, many years. He’s an exceptionally good human being, really a fine guy, extraordinarily charitable and a delight,” wika ni Arum.
Galing si Pacquiao sa panalo kay Keith Thurman para makopo ang World Boxing Association (WBA) welterweight crown noong Hulyo.
“But he’s (almost) 41-years-old. And if you’re 41 you can’t take punishment. You can’t take blows like he did in the Thurman fight. Sure, he won that fight - but he took a lot of punishment. That punishment is going to have a serious effect on how he lives the rest of is life,” ani Arum.
Wala pang pinal na desisyon ang Team Pacquiao kung sino ang sunod na makakalaban ni ‘Pacman’.
Ngunit nangunguna sa listahan sina International Boxing Federationg welterweight king Errol Spence at World Boxing Council welterweight king Shawn Porter na nakatakdang magharap sa Setyembre 28 sa Staples Center sa Los Angeles, California.
“If he gets Mayweather, do that fight and retire. If he doesn’t get Mayweather he should retire. It’s not worth it for him to continue boxing,” sabi pa ni Arum.
- Latest