Casimero magdedepensa kay Ramirez; Saludar sasagupa naman kay Mendez

MANILA, Philippines — Itataya ni Filipino world champion John Riel Casi­mero ang kanyang suot na World Boxing Organization bantamweight crown kontra kay Mexican challenger Ce­sar Ramirez ngayong ga­bi sa San Andres Sports Complex sa Malate, Mani­la.

Kinailangan ni Casimero na magbawas ng timbang sa loob ng dalawang oras para makuha ang weight limit na 118 pounds.

Nasukatan si Casi­me­ro ng 117.6 pounds pa­ra pumasok sa nasabing weight limit at payagan ng WBO na maidepensa ang kanyang hawak na titulo la­ban kay Ramirez.

Kasalukuyang hawak ni Casimero ang 27-4-0 re­cord kasama ang 18 KOs kumpara sa 18-3-0 (10 KOs) card ni Ramirez.

Samantala, idedepen­sa ni Filipino champion Vic Saludar ang kanyang bitbit na WBO minimumweight crown.

Isusugal ni Saludar ang kanyang titulo kontra kay Puerto Rican challenger Wilfredo Mendez bukas (Ma­nila time) sa Puerto Ri­co Convention Center.

Nauna nang inagaw ni Saludar (19-3-0, 10 KOs), ang nasabing korona kay Ryuya Yamanaka noong Hulyo ng 2018 sa Kobe, Ja­pan at naidepensa ito kay challenger Masataka Taniguchi noong Pebrero sa Tokyo.