Gonzaga bumida sa Lady Troopers
MANILA, Philippines — Nailusot ng Pacific Town-Army ang pahirapang 39-41, 19-25, 25-19, 25-20, 15-12 panalo laban sa Choco Mucho upang manatiling malinis ang kanilang rekord sa 2019 Premier Volleyball League Season 3 Open Conference kahapon sa The Arena sa San Juan City.
Nakakuha ng lakas ang Lady Troopers kay opposite hitter Jovelyn Gonzaga na nagtala ng 23 attacks at isang ace para sa kanilang ikalawang sunod na panalo.
Hindi ininda ni Gonzaga ang pagod na galing din sa semifinal game sa Philippine Superliga All-Filipino Conference kung saan nagwagi ang Cignal HD Spikers laban sa reigning champion Petron para maipuwersa ang ‘rubber match’.
Ngunit lumabas ang pagiging beterano ng Lady Troopers sa fifth set kung saan nakuha nila ang 10-6 kalamangan sa likod nina Gonzaga, Honey Royse Tubino at Nene Bautista para patumbahin ang Flying Titans, nalasap ang 1-1 baraha.
- Latest