Finals seat pag-aagawan ng Petron at Cignal
MANILA, Philippines — Pag-aagawan ng reigning champion Petron at Cignal ang huling tiket sa finals sa paglarga ng semis rubber match ngayong gabi sa Philippine Superliga All-Filipino Conference sa The Arena sa San Juan City.
Magtutuos ang Blaze Spikers at HD Spikers sa ganap na alas-7 ng gabi.
Naipuwersa ng Cignal ang do-or-die game matapos iselyo ang 25-20, 10-25, 16-25, 27-25, 15-11 come-from-behind win para basagin ang ‘twice-to-beat’ ng Petron.
Bumanat nang husto sina veterans Rachel Anne Daquis at Jovelyn Gonzaga katuwang si Filipino-American playmaker Alohi Robins-Hardy para masawata ng HD Spikers ang Blaze Spikers.
Nagbigay din ng matikas na laro sina Mylene Paat at Janine Navarro sa panig ng Cignal.
“We came here with nothing to lose. The pressure is now on Petron. We’re going to do our best in this fight of our lives,” ani Cignal head coach Edgar Barroga.
Subalit hindi basta-basta ibibigay ng Petron ang laro.
Inaasahang ilalabas nito ang lahat ng alas para makabalik sa porma at makuha ang huling silya sa finals.
“We knew the quality of this Cignal team right from the start of the conference. They have a tall and very deep lineup. We have to accept that loss and move on. It’s not yet over for us. We can still bounce back and finish the job,” ani Blaze Spikers head coach Shaq Delos Santos.
Kaya naman gigil na hahataw ang Blaze Spikers sa pangunguna nina Sisi Rondina at Bernadeth Pons kasama sina Mika Reyes, Remy Palma, Rhea Dimaculangan, Aiza Maizo-Pontillas at Frances Molina.
“We have another chance and we have to be ready for the challenge since this will be the biggest test for our team,” dagdag pa ni Delos Santos.
Ang magwawagi ang haharap sa F2 Logistics sa best-of-three championship series.
- Latest
