Lions matatag sa itaas
MANILA, Philippines — Nilapa ng San Beda Red Lions ng mahigit 46 puntos ang Perpetual Help Altas, 102-56 habang pinutol naman ng Lyceum Pirates ang 5-game streak ng St. Benilde Blazers, 74-71, kahapon sa pagpapatuloy ng Season 95 NCAA basketball tournament sa FilOil Flying V Arena sa San Juan City.
Limang players ng Red Lions ang tumapos ng double-digits kabilang na sina AC Soberano at Cameroonian Donald Tankoua na umiskor ng tig-15 puntos bawat isa para sa ika-anim sunod panalo at manatili sa solo top spot sa 6-0 win-loss kartada.
“Credit to my boys for the win. They wanted to prove something. AC (Soberano) made the most of his threes in the fourth. Hopefully, tuluy-tuloy na rin yung kumpyansa niya,” ani SBU coach Boyet Fernandez.
Kaagad kumalas ang Lions sa Altas, 30-17 sa unang yugto pa lamang tungo sa 20 puntos bentahe, 47-27 sa first half.
Umabot sa pinakama-laking 52 puntos ang agwat, 102-50 sa huling tatlong minutos ng laro.
Limang season records ang naitala sa malaking panalo ng Lions kabilang na ang season high in points, season high field goals attempts, season high field goals made, season high 3-points made at biggest winning margin sa taong ito.
Hindi rin nagpahuli ang 94th season runner-up Lyceum upang magbigay senyales sa seryosong asam sa titulo sa taong ito. Sa kanilang panalo umangat ang Pirates sa solo second spot sa 6-1 win-loss kartada habang ang Blazers ay nalaglag sa solo third spot sa 5-1 card.
- Latest