Tolentino inisnab ng Exec. Board
MANILA, Philippines — Simula na ng pagsakit ng ulo ni bagong Philippine Olympic Committee president Abraham “Bambol” Tolentino.
Ito ay matapos isnabin ng mga miyembro ng POC Executive Board ang ipinatawag niyang pulong kahapon kung saan tanging si POC chairman Steve Hontiveros ang dumating.
“The executive board meeting was called immediately after last Sunday’s elections, therefore it is within bounds of the POC policies,” wika ni Tolentino.
Ang POC president o chairman ay maaaring tumawag ng legitimate executive board meeting sa isang five-day notice.
Isang 10-day notice naman ang kailangan para sa isang General Assembly.
“Therefore, the meeting was called ‘not on short notice,” ani Tolentino, magtatakda ng POC General Assembly sa Agosto 13 sa Diamond Hotel sa Roxas Boulevard para ayusin ang nasabing isyu. “I will be bringing this issue to the GA.”
Determinado si Tolentino, pumalit sa nagbitiw na si Ricky Vargas, na linisin ang hanay ng POC.
Maliban kina Tolentino at Hontiveros, ang ibang dumalo sa pulong ay sina Vargas, reinstated secretary general Patrick Gregorio at board member Cynthia Carrion.
Samantala, hinirang naman ni Tolentino sa kanilang mga puwesto sina Gregorio bilang deputy, Richard Gomez at Col. Managuelod (membership), Atty. Agra at Atty. Billy Sumagui (legal) at Vargas (constitutional commission).
- Latest