Mojdeh nagtala ng bagong Philippine record
SEMARANG, Indonesia — Nagningning si Swimming Pinas ace Micaela Jasmine Mojdeh matapos magtarak ng bagong Philippine national junior record sa 11th Asean School Games na ginaganap sa Jatidiri Sports Complex dito.
Ibinulsa ni Mojdeh ang tanso sa girls’ 100m butterfly matapos isumite ang isang minuto at 3.60 segundo – sapat para burahin ang Philippine record na 1:04.08 na kanya ring nakuha sa 2019 Philippine Swimming Incorporated (PSI) Grand Prix National Championship may dalawang linggo pa lamang ang nakakaraan.
“It was really such a close race. That I almost fainted praying so hard that she keeps on the fighting heart alive coming from her 400 IM swim that she gave all her best also lowering her time by five seconds and coming back couple of minutes and swimming again and getting that bronze in the 100 fly and breaking her own Junior Ph record she set two weeks ago only,” wika ni Swimming Pinas team manager Joan Mojdeh.
Nasikwat ni Louise Bendix ng Malaysia ang ginto nang maglista ng 1:02.28, habang napasakamay ng isa pang Malaysian na si Keesha Ho ang pilak mula sa oras na 1:03.46.
Ito ang unang medalya ni Mojdeh sa international competition sa labas ng Philippine Swimming League at Swimming Pinas.
“Her smile upon touching that touchpad was so priceless that as if she really broke the world record because she knows that 3rd is really hard fought and she understood that she has to fight the Asean School Games one step at a time. We cried really getting that bronze is like winning the gold already,” ani Joan.
Nagdagdag naman ng pilak na medalya si Miguel Barreto na pumangalawa sa boys’ 200m freestyle makaraang magtala ng 1:54.83, habang nangibabaw si Khiew Hoe Yean ng Malaysia na may nairehistrong 1:53.25.
Sa kabuuan ay mayroon nang nahakot na dalawang pilak at dalawang tansong medalya ang Pilipinas sa nasabing swimming competition ng annual meet.
- Latest
