Stags, Knights dumiretso sa ikalawang panalo
Laro Bukas(EAC Gym, Manila)
2 p.m.- SBU vs. EAC (Jrs)
4 p.m.- SBU vs. EAC (Srs)
MANILA, Philippines — Humataw ang San Sebastian Stags ng 30 points sa ikalawang yugto para tambakan ang Mapua Cardinals, 92-68, at makisosyo sa liderato sa Season 95 NCAA men’s basketball tournament kahapon sa FilOil Flying V Arena sa San Juan City.
Nagpasiklab si Regille Kent Ilagan sa kanyang 20 points, 4 rebounds at 8 assists para sa ikalawang sunod na panalo ng Stags at makisama sa three-peat champion San Beda Red Lions sa top spot sa parehong 2-0 kartada.
Hindi napigilan ng Cardinals ang magandang opensa at depensa ng Stags ni coach Egay Macaraya kung saan anim na manlalaro ay nag-ambag ng double-digits.
Ipinoste ng Stags ang 29-point lead, 82-53, sa huling 4:43 minuto sa fourth period mula sa 46-23 abante sa Cardinals sa first half.
Nasungkit naman ng Letran Knights ang ikalawang sunod na panalo matapos padapain ang Jose Rizal Heavy Bombers, 55-43.
- Latest
