30th SEA Games tuloy sa November – Ramirez
MANILA, Philippines — Anuman ang gulong nangyayari sa loob ng Philippine Olympic Committee ay hindi dapat madamay ang pamamahala ng bansa sa 30th Southeast Asian Games.
Inihayag kahapon ni Philipine Sports Commission chairman William ‘Butch’ Ramirez na walang magiging hadlang sa pagdaraos ng nasabing biennial event na nakatakda sa Nobyembre 30 hanggang Disyembre 11 sa iba’t ibang venues.
Ito ay sa kabila ng isyu sa liderato ng POC matapos magbitiw si Ricky Vargas bilang pangulo.
“He is aware of the issues hounding Philppine sports and insisted that we expend our energies towards our athletes’ preparation for the games, and that issues of the Philippine Olympic Committee be left to be solved within their ranks,” wika ni Ramirez sa sinabi sa kanya ni Pangulong Rodrigo Duterte.
Sa pagbaba ni Vargas sa puwesto ay humalili naman si Joey Romasanta para umaktong presidente ng POC.
Ayon kay Romasanta, ang lahat ng desisyon tungkol sa 2019 SEA Games ay dapat magmula sa kanya at hindi sa Philippine Southeast Asian Games Organizing Committee (Phisgoc) Foundation, Inc.
“We pray that for the sake of our athletes, and Philippine sports, you can all come to a resolution so we could all focus our 100% on the big tasks at hand,” ani Ramirez.
- Latest