Lina umaasang Pinoy na ang hari sa 11th Le Tour
LEGAZPI CITY, Albay – , Philippines — Umaasa si Le Tour de Filipinas chairman Donna May Lina na isang Pinoy rider ang muling maghahari sa ika-11 edisyon ng bikefest sa susunod na taon.
Ito ay matapos magkampeon si Dutch cyclist Jeroen Meijers ng Taiyuan Miogee Cycling Team (China) sa katatapos na 10th Le Tour de Filipinas noong Martes dito.
“We are encouraging our Filipino cyclists to take advantage of our homecourt advantage,” wika ni Lina. “I hope they can prioritize this race for us to win again.”
Walang Pinoy cyclist na nanalo ng stage sa nasabing Category 2.2 event na may basbas ng UCI, ang international cycling federation.
Nagposte ang 6-foot-2 na si Meijers ng aggregate time na 20 oras, 38 minuto at pitong segundo para angkinin ang overall title na nabigong maidepensa ni 2017 king El Joshua Cariño ng Philippine national team.
Hindi nakuha ni Cariño ang limit time sa Stage One sa Tagaytay City na naging dahilan ng pagkakasibak niya sa torneo kasama si Ronald Oranza.
- Latest
