Cignal-Ateneo didikit sa titulo
MANILA, Philippines — Puntirya ng Cignal-Ateneo de Manila University na makalapit sa korona sa pagsabak nito laban sa Centro Escolar University sa Game 2 ng 2019 PBA D-League best-of-five championship series ngayong hapon sa Ynares Sports Arena sa Pasig City.
Magtutuos ang Blue Eagles at Scorpions sa alas-4 ng hapon.
Nakuha ng Cignal-Ateneo ang 1-0 bentahe sa serye matapos kubrahin ang impresibong 101-66 demolisyon sa Scorpions sa Game 1 noong Huwebes.
Humataw sa naturang laro si Isaac Go na nagsumite ng 17 puntos mula sa 4-of-6 shooting sa three-point area para banderahan ang matikas na ratsada ng Blue Eagles.
Sa katunayan, nagtala ang Cignal-Ateneo ng 16-of-38 sa rainbow territory.
Sa kabila ng magandang inilalaro, walang balak magpakakampante ang Blue Eagles dahil simula pa lang ang serye.
At alam ng Cignal-Ateneo ang kamandag na puwede000000000000000000000000000000000ng ilabas ng CEU.
“We could not take them for granted because they're in the Finals for a reason. We just wanted to make sure that we don't get complacent,” ani Blue Eagles deputy coach Sandy Arespacochaga.
Maliban kay Go, aasahan din ng Blue Eagles sina Thirdy Ravena at Angelo Kouame kasama sina Nieto brothers Matt at Mike.
Kailangan naman ng CEU na gumawa ng paraan kung paano pipigilan ang Cignal-Ateneo.
Basag ang lineup ng Scorpions dahil pito lamang ang naglalaro sa kanilang tropa matapos masangkot sa game-fixing issue ang iba pang miyembro nito.
Kaya naman matinding motibasyon ang ibinibigay ni Scorpions head coach Derrick Pumaren para manatiling mataas ang moral ng kanyang bataan.
- Latest