Don’t Panic
Mukhang nabaliktad ang mundo sa PBA finals.
Nung una, may mga nagsasabi na hindi makakaisa ang Magnolia sa San Miguel.
Sweep daw.
Pero nakauna ang Magnolia at matapos tumabla ng San Miguel ay muling kinuha ng mga tropa ni coach Chito Victolero ang Game 3.
Lamang ang Hotshots sa best-of-seven, 2-1.
Bukas ang Game 4 at kung muling manalo ang Magnolia, may paglalagyan ang SMB.
Sila rin ang nagharap sa finals last year kung saan pinanalo ng Magnolia ang Game 1 bago sila winalis ng SMB sa next four games.
Hangad nina June Mar Fajardo ang ika-limang sunod na Philippine Cup championship.
At kung gusto nila itong makamit, pwersado silang kunin ang Game 4.
Don’t panic ang wika ni Arwind Santos.
Sabi naman ni June Mar ay positibo raw sila na tatabla sila bukas.
Onga naman.
Kung sa 0-3 nga eh bumangon sila para talunin ang Alaska sa Game 7 nung 2016 finals eh mas kaya nga naman nila itong isalba.
Pero dati yun.
- Latest