Umiskor si Kirstie Elaine Alora ng Philippines laban sa Vietna­mese rival ng hard kick para makuha ang ginto sa kanyang division.
Pinoy jins dinomina ang 14TH ASEAN Championships
(Pilipino Star Ngayon) - May 7, 2019 - 12:00am

Sumipa ng 73 medalya

MANILA, Philippines — Pitong Pinoy jins ang nagwagi sa senior Kyorugi (free sparring) competition para tulungan ang Team Philippines na makuha ang overall championship ng 14th ASEAN Taekwondo Championships sa SM Mall of Asia Music Hall sa Pasay City.

Ang pito sa kabuuang 27 gold medals na nasikwat ng koponan sa two-day international event ay nagmula kina Kirstie Elaine Alora, Abigail Faye Valdez, Reign Charm Ragutana, Israel Cesar Cantos, Noel Sabillano, Kurt Pasjuelas at Gabriel Teruel.

Noong 13th ASEAN Championships na idinaos sa Perlis, Malaysia noong 2017 ay nakapag-uwi lamang ang mga Pinoy jins ng 5 golds, 7 silvers at 4 bronzes.

Maliban sa 27 ginto ay kumuha rin ang national team ng 26 pilak at 20 tansong medalya para sapawan ang karibal na Vietnam, tumapos na may 61 medals (19 gold, 14 silver at 28 bronze).

Pumangatlo naman ang Malaysia sa nakolektang 16 medals kasunod ang Myanmar (11), Singapore (4) at Cambodia (4).

KIRSTIE ELAINE ALORA TEAM PHILIPPINES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with