Phoenix nakalusot
Hotshots tatabla naman sa Elasto Painters
MANILA, Philippines — Sumandal ang Phoenix kay Matthew Wright sa dulo ng final canto para ibigay sa Phoenix ang unang panalo sa kanilang semifinals series ng nagdedepensang San Miguel.
Anim na sunod na free throws ang isinalpak ni Wright sa huling minuto ng laro para sa 92-90 pagtakas ng Fuel Masters laban sa Beermen sa Game Three ng kanilang semis wars sa 2019 PBA Philippine Cup kagabi sa Smart Araneta Coliseum.
Nakabawi ang Phoenix mula sa kabiguan sa Games One at Two para ilapit ang kanilang best-of-seven semis showdown ng San Miguel sa 1-2.
Samantala, walang ibang nasa isip ang Magnolia kundi ang makatabla sa Rain or Shine sa kanilang best-of-seven semifinals series.
Nakaiwas ang Hotshots na mahulog sa 0-3 butas matapos agawin ang 85-74 panalo sa Game Three para makalapit sa Elasto Painters sa 1-2.
“It’s a very important game as we have a chance to tie the series. Our defense, effort and energy will be key factors,” sabi ni coach Chito Victolero matapos ang naturang panalo ng kanyang Magnolia kontra sa Rain or Shine.
Determinado ang Hotshots na maitabla sa 2-2 ang kanilang serye ng Elasto Painters sa Game Four ngayong alas-7 ng gabi sa Big Dome.
Bagama’t natalo sa ikatlo nilang pagkikita ng Hotshots ay kumpiyansa pa rin si Elasto Painters mentor Caloy Garcia.
“We still remain confident and we’re going to bounce back,” ani Garcia.
Binigyan ni Victolero ng two-day break ang Magnolia.
Muling aasahan ng Magnolia sina Ian Sangalang, Paul Lee, Mark Barroca at Jio Jalalon katapat sina two-time PBA MVP James Yap, Gabe Norwood, Beau Belga at Rey Nambatac.
- Latest
