United VC may misyon sa Generika-Ayala
MANILA, Philippines — Umangat sa No. 3 spot ang puntriya ng United Volley Club sa oras na makaharap ang Generika-Ayala sa pagbabalik ng 2019 Philippine Superliga Grand Prix ngayong araw sa The Arena sa San Juan City.
Hahataw ang paluan ng United VC at Generika-Ayala sa alas-2 ng hapon kasunod ang pukpukan ng Cignal at Foton sa alas-4:15 at ng Sta. Lucia Realty at PLDT Home Fibr sa alas-7 ng gabi.
Nasa ikaapat na puwesto ang United VC taglay ang 5-4 baraha sa ilalim ng nagungunang Petron (10-0), F2 Logistics (8-2) at PLDT (6-5).
Matayog ang lipad ng United VC na galing sa impresibong panalo laban sa Cignal HD sa kanilang huling laro, 14-25, 25-21, 25-21, 26-24.
Umaasa si United VC head coach Joshua Ylaya na mauulit ng kanyang tropa ang 25-23, 17-25, 25-22, 23-25, 15-11 panalo nito sa Lifesavers sa first round ng eliminasyon.
“We’ll definitely prepare for Generika-Ayala. This is a very hungry team. They had some good games and they just got out of the slump. We have to give our best because winning over them takes a lot,” ani Ylaya.
- Latest
