Krusyal na laro!
Aces kontra Bolts; Hotshots vs Batang Pier
Laro Ngayon(Smart Araneta Coliseum)
4:30 p.m. Alaska vs Meralco
7 p.m. Magnolia vs NorthPort
MANILA, Philippines — Ito na ang krusyal na bahagi para sa mga koponang naghahabol ng tiket sa eight-team quarterfinal round ng 2019 PBA Philippine Cup.
Parehong may 3-5 record ang Alaska at Magnolia kasunod ang Meralco at NorthPort na may 3-6 at 2-5 baraha, ayon sa pagkakasunod.
“Once again, it's practically a do or die for both teams so we are expecting an intense battle with Alaska,” sabi ni Bolts one-time PBA Grand Slam champion coach Norman Black sa kanilang bakbakan ng Aces ngayong alas-4:30 ng hapon sa Smart Araneta Coliseum.
Nanggaling ang Alaska sa 78-92 kabiguan sa TNT Katropa (6-3) samantalang nakatikim ang Meralco ng 85-88 pagkatalo sa Rain or Shine (8-3).
“That Meralco game is huge if we want to make the quarterfinals,” wika ni mentor Alex Compton sa kanyang Alaska. “Hopefully we get healthy and get back to who we are and how we play.”
Ang panalo rin ang nasa isip ng Magnolia at NorthPort, nasa five-game losing slump matapos ang 2-0 panimula sa season-opening conference para mapalakas ang pag-asa sa quarterfinals sa kanilang pang-alas 7 ng gabing upakan.
“We need to play with a sense of urgency. Kailangan manalo at makabuwelo for a strong finish in the elims,” ani Hotshots' coach Chito Victolero.
Nagmula ang Magnolia sa masaklap na 93-97 overtime loss sa Barangay Ginebra (5-3) habang nakalasap ang NorthPort ng 107-113 pagkatalo sa nagdedepensang San Miguel (6-4).
“Figuring out our rhythm and getting that extra push is all we'll need. As far as I could tell right now, we need that last push,” wika naman ni Batang Pier Fil-Tongan power forward Moala Tautuaa, muling makakatuwang sina Stanley Pringle, Sean Anthony, Nico Elorde at rookie guard Robert Bolick.
- Latest
