Gilas Pilipinas mahihirapan sa mga kalaban - Yeng Guiao
MANILA, Philippines — Ang Italy ang unang makakasagupa ng No. 31 Gilas Pilipinas sa Agosto 31 sa pagsisimula ng kanilang kampanya sa prestihiyosong 2019 FIBA World Cup sa Foshan International Sports and Cultural Center sa Foshan, China.
Inaasahang ipaparada ng Italy sina NBA stars Danilo Galinari ng Los ngeles Clippers at Marco Belleneli ng San Antonio Spurs.
“If those guys are going to play, mahihirapan talaga tayo,” sabi ni national coach Yeng Guiao sa 6-foot-10 na si Gallinari, ang No. 6 overall pick ng New York Knicks noong 2008 NBA Draft at sa 6'5 na si Belleneli, pinili ng Golden State Warriors bilang No. 18 overall selection noong 2007 Draft.
Sinabi pa ni Guiao na kailangang paghandaan ng Gilas Pilipinas ang Italy sa hangaring masorpresa ang No. 13 ranked team.
“By the time we play our first game, by the time we get there, we should be ready to play 100 percent,” ani Guiao. “There’s no such thing as getting warmed up first. It’s a one-time deal and we better be ready for that.”
Kasama ng Pilipinas sa Group D ang Italy, No. 4 Serbia at No. 39 Angola.
Sa Setyembre 2 ay makakatapat ng Nationals ang mga Serbians, posibleng pangungunahan nina NBA players Nikola Jokic (Denver Nuggets), Boban Marjanovic (Philadelphia 76ers), Bogdan Bogdanovic (Sacramento Kings) at Nemanja Bjelica (Sacramento Kings).
Tatapusin ng Gilas Pilipinas ang kanilang mga laro sa eliminasyon sa pagsagupa sa Angola sa Setyembre 4.
Sakaling magmilagro at umabante sa second round ang Nationals ay maaari nilang makaharap ang top two teams mula sa Group C, kinabibilangan ng Spain, Iran, Puerto Rico at Tunisia.
- Latest
