Blaze Spikers ipinakita ang bangis
Laro Bukas (The Arena)
2pm PLDT vs Cignal
4:15pm F2 vs Sta. Lucia
7pm Petron vs Generika-Ayala
MANILA, Philippines — Mainit ang harurot ng reigning champion Petron nang mabilis nitong pataubin ang PLDT Home Fibr, 25-19, 25-9, 25-10 para makuha ang pambuenamanong panalo kahapon sa 2019 Philippine Superliga Grand Prix sa The Arena sa San Juan City.
Engrande ang simula ni outside hitter Stephanie Niemer nang pakawalan nito ang siyam na attacks, tatlong blocks at dalawang aces para matikas na buhatin ang Blaze Spikers sa 1-0 baraha.
“We started off a little bit shaky but I think we picked up our communication and we just stay strong as a team. We never doubted ourselves out, we were down in the first (set but we just keep fighting and that’s pretty special with our team,” wika ni Niemer.
Nagbigay ng suporta ang kapwa American import na si Katherine Bell na pumalo naman ng 15 puntos mula sa 14 attacks at isang block sa larong tumagal lamang ng 63 minuto.
“It’s a very important win for us. It’s the beginning of the journey. She (Niemer) was great, she was good. I was feeling jittery a little bit but I felt the support of the team, Steph talking to me. We felt great and the vibe is great,” dagdag ni Bell.
Nagpasabog ang Blaze Spikers ng kabuuang 32 attacks laban sa 20 lamang ng Giga Hitters habang dominado rin ng Petron ang service area (11-2) at blocking department (8-2).
Nakakuha pa ang Blaze Spikers ng 24 libreng puntos mula sa errors ng Giga Hitters.
Malaki rin ang tulong ng local players partikular na nina middle hitters Remy Palma at Mika Reyes na nag-ambag ng ilang mahahalagang puntos gayundin nina libero Denden Lazaro at setter Rhea Dimaculangan na nagsanib-puwersa upang makagawa ng matitikas na plays.
Makakasama ng Petron sa maagang liderato ang two-time Grand Prix champion Foton na nagtala rin ng unang panalo sa opening day ng liga noong Sabado.
Sunod na makakatipan ng Petron ang Generika-Ayala bukas sa parehong venue.
- Latest
