Manny aatake agad kay Broner
LAS VEGAS – Hindi ugali ni Manny Pacquiao na magbigay ng prediksyon sa kanyang mga laban.
Kaya ang kanyang kababata at chief trainer na si Buboy Fernandez ang nagsabing hindi lalampas ng fourth round si American challenger Adrien Broner sa kanilang laban ni Pacquiao sa Linggo (Manila time) dito sa MGM Grand Garden.
Naniniwala si Fernandez na masyadong mabilis at malakas ang 40-anyos na si Pacquiao para sa 29-anyos na si Broner.
Inihalimbawa ni Fernandez ang pagpapatulog ni Pacquiao kay Ricky Hatton sa second round noong 2009 para agawin sa pambato ng Great Britain ang suot nitong IBO super lightweight crown.
Ayon kay Fernandez, ito rin ang sasapitin ni Broner, may apat na titulo sa apat na weight classes at hindi pa napapabagsak.
“Baka gigitna ang referee,” wika ni Fernandez sa inaasahan niyang TKO win para kay Pacquiao. “Four rounds.”
Sa kanilang training camp sa Wild Card Gym sa Los Angeles ay iginiit ni Fernandez kay Pacquiao na kaagad patumbahin si Broner sa opening bell pa lamang.
“Engage kaagad. Huwag na bigyan ng pagkakataon,” ani Fernandez sa kanilang gagamiting estratehiya ni Pacquiao laban kay Broner. “Kung puwede mong kunin (knockout), kunin na sa (first round),.”
Si Fernandez ang pumalit kay Freddie Roach nang pabagsakin ni Pacquiao si Lucas Matthysse ng Argentina sa seventh round noong Hulyo sa Kuala Lumpur, Malaysia para sa WBA welterweight title.
Iyon ang unang pagkakataon matapos ang siyam na taon na nakapagtala si Pacquiao ng stoppage win.
Related video:
- Latest
