Pacquiao knockout ang target
MANILA, Philippines — Knockout ang puntirya ni eight-division world champion Manny Pacquiao na maitarak sa oras na ipagtanggol ang kanyang World Boxing Association welterweight belt kay Adrien Broner sa Enero 19 sa MGM Grand Garden Arena sa Las Vegas, Nevada.
Ito ang inihayag ni Pacquiao sa first leg ng Press Tour kahapon sa Gotham Hall sa Manhattan, New York.
Ipinagmalaki ng tinaguriang Pambansang Kamao na nagtataglay pa rin ito ng pamatay na suntok na nagamit nito sa kanyang mga nakalipas na laban partikular na kay Lucas Matthysse nang iselyo nito ang seventh-round technical knockout noong Hulyo sa Malaysia.
“I still have the knock out power. I have learned how to develop that and by the grace of God, who has given me this power and with hard work and training. That technique is my weapon for this fight,” wika ni Pacquiao.
Ipinaliwanag din ni Pacquiao kung bakit si Broner ang napili nitong makalaban bago ang posibleng rematch kay Floyd Mayweather Jr. sa susunod na taon.
“I chose Broner because we can have a good fight and entertain the fans. Adrien is a top caliber fighter and a good boxer. We cannot underestimate him. I just want to prove that I’m still in boxing and my journey in boxing is continuing,” ani Pacquiao.
Mayabang din ang sagot ni Broner.
Hangad nitong maagaw ang korona at tuluyan nang pagretiruhin si Pacquiao.
“I have paid my dues in this sport, and now it’s time for me to get mine. I get more views than every-body when I fight. A lot of people are going to see me pack off Pacquiao into retirement, and without his belt,” wika ni Broner.
Handa si Broner na ibuhos ang lahat upang makaiskor ng knockout win.
“He has been knocked out three times so we know he can go to sleep. I consider Manny one of the elite fighters at 147. The things he’s done in this game are unbelievable. I talk trash, I play but I know on January 19 I have to be on top of my game,” ani Broner.
Wala pang linaw ang Pacquiao-Mayweather rematch kung kailan ito magaganap.
Makailang ulit nang nag-usap ang dalawang mahusay na boksingero.
Hindi rin malayong matuloy ito dahil pareho silang nasa ilalim ng Premier Boxing Champions.
Kaya naman nais muna ni Pacquiao na isentro ang kanyang atensiyon sa pagdepensa ng kanyang titulo laban kay Broner.
- Latest
