FEU, La Salle laglagan sa huling semis slot

Laro Ngayon(Smart Araneta Coliseum)

3:30 p.m.  FEU  vs.  DLSU (Knockout Playoff for fourth semis berth)

MANILA, Philippines — Maghaharap ang FEU at La Salle ngayon upang pag-agawan ang huling Final Four berth sa do-or-die battle sa Season 81 UAAP men’s basketball tournament sa Smart Araneta Coliseum.

Kapwa tumapos sa three-way tie ang Tamaraws at Green Archers makaraan ang double-round elimination mula sa  third spot hanggang sa fifth spot sa parehong 8-6 win-loss kartada kasama ang University of the Philippines Fighting Maroons.

Pero dahil nakakuha ng mas mataas na quotient ang Fighting Maroons sila ang pumasok sa Final Four bilang third seed habang ang DLSU at FEU ay maghaharap sa winner-take-all playoff ngayong araw sa alas-3:30 ng hapon.

Kung sino ang mana­lo sa dalawang koponan, siyang haharap sa top seed at nagdedepensang Ate­neo Blue Eagles sa Final Four at maglalaban naman sa iba pang semis match ang second seed Adamson Soaring Falcons at third seed UP Figh­ting Maroons simula sa Sabado.

Hawak ng A­teneo at Adamson ang twice-to-beat advantage.