Tamaraws vs Archers sa playoff

MANILA, Philippines — Dinomina ng Far Eas­ten University ang Adamson University, 82-56, para makahirit ng playoff sa hu­ling semifinals berth sa Sea­son 81 UAAP men’s bas­ketball tournament ka­hapon sa Mall of Asia Are­na sa Pasay City.

Kagad rumatsada ang Tamaraws ng 16-5 bentahe na lumobo sa 46-22 sa first half.

Mula doon ang inaa­sahang mainit na laban ay naging lopsided victory para sa tropa ni coach Olsen Racela.

Umabot pa sa 67-36 ang kalamangan ng FEU sa huling minuto ng third period patungo sa pag-sungkit sa kanilang pang-walong panalo sa 14 laro at tumapos sa elimination round sa three-way tie mula sa ikatlo hanggang pang-limang puwesto kasama ang UP at La Salle sa parehong 8-6 kartada.

Nanatili naman ang Figh­ting Maroons sa ikatlong puwesto dahil sa su­pe­rior quotient, habang ang Tamaraws at Green Archers ay maghaharap sa playoff sa Miyerkules upang pag-agawan ang huling Final Four berth.

Ang mananalo ay ha­harap sa No. 1 seed Ate­neo Blue Eagles sa semis at magtatagpo naman ang No. 2 Soaring Falcons at No. 3 Fighting Maroons sa pagsisimula ng Final Four sa Sabado.

Nanatili ang Adamson sa ikalawang puwesto sa ha­wak na 10-4 record.

Bilang top seeds ay kapwa tangan ng Blue Eagles at Soaring Falcons  ang ‘twice-to-beat’ advantage sa semis.

Sinakmal ng National University Bulldogs ang 79-71 panalo kontra sa University of the East Red Warriors.