Team Phl impresibo sa Asian Para Games
MANILA, Philippines — Ito na ang pinakamagandang ipinakita ng Philippine Team sa Asian Para Games.
Kumolekta ang mga Pinoy athletes ng kabuuang 10 golds, 8 silvers at 11 bronzes para tumapos sa No. 11 sa overall team standings sa quadrennial event na idinaos sa Jakarta, Indonesia.
Sa nakaraang edisyon ng Asiad Para Games ay nag-uwi lamang ang Philippine delegation ng limang pilak at limang tansong medalya noong 2014 sa Incheon, South Korea.
Hinirang sina swimmer Ernie Gawilan at chesser Sander Severino bilang best performing Filipino athletes sa katatapos na 3rd Asian Para Games.
Sumikwat si Gawilan ng tatlong gold at dalawang silver medals, habang nagsulong si Severino ng apat na ginto.
Sinabi ni Philippine Sports Commission chairman William “Butch” Ramirez na tatanggap sina Gawilan, Severino at iba pang Filipino medalist ng insentibong P1 milyon para sa gold, P500,000 para sa silver at P200,000 para sa bronze medal.
“I am jubilant on the Para Games Philippines performances. In behalf of the PSC, congratulations to our team for making the country proud,” wika ni Ramirez sa mga Pinoy Para Gamers.
Nakatakdang tumanggap si Gawilan ng cash incentive na P4 milyon at magbubulsa naman si Severino ng P2.66 milyon sa pinakamakasaysayang kampanya ng Team Philippines.a
- Latest