PBA solido ang suporta para sa Team Pilipinas
MANILA, Philippines — Bilang pagbibigay ng kanilang solidong suporta sa Team Pilipinas, handa ang Philippine Basketball Association na gumawa ng adjustment sa kanilang iskedyul.
“The PBA is very supportive of the SBP (Samahang Basketbol ng Pilipinas), and it’s a big, big plus for our national team,” wika ni PBA chairman Ricky Vargas sa isinasagawang planning session ng PBA Board sa Las Vegas, Nevada.
Nakatakdang labanan ng Team PIlipinas ni head coach Yeng Guiao ang Iran sa Tehran sa Setyembre 13 at ang Qatar sa Setyembre 17 sa isang closed-door match sa Smart Araneta Coliseum sa second round ng 2019 FIBA World Cup Asian Qualifiers.
Dahil dito ay pansamantalang itinigil ng PBA ang mga aksyon sa 2018 Governor’s Cup.
Pitong tiket ang nakataya sa nasabing Asian Qualifers para sa 2019 FIBA World Cup na gagawin sa China.
Tatlong windows pa ng FIBA World Cup Asian Qualifiers ang susuungin ng Nationals, nakatakdang bumiyahe patungong Tehran ngayong gabi para labanan ang mga Iranians.
“The third conference next season may stretch to January, 2020 as the league is again readjusting its schedule for the remaining windows of the FIBA WC qualifiers, and to the FIBA WC proper should we make it there. That’s the commitment the PBA is throwing to the SBP and the national team,” wika ni PBA Commissioner Willie Marcial.
Samantala, inaprubahan ng PBA Boards ang paglahok ng Meralco sa 2018 FIBA Champions Cup na magsisimula sa Setyembre 27 sa Bangkok, Thailand.
Makakatapat ng Bolts ni Norman Black ang SK Knights ng Korea, Al Riyadi team ng Lebanon, Petrochimi ng Iran, Pauian ng Chinese-Taipei at Mono Vampire ng Thailand.
Si FIBA secretary general Patrick Baumann ang mismong humiling sa PBA na magpadala ng kinatawan ng Pilipinas sa torneo.
- Latest