UP-UAI giniba ang Cocolife
Laro Bukas(FilOil Flying V Center, San Juan City)
2 p.m. - UE-Cherrylume vs Cocolife (For 9th Place)
4:15 p.m. - UP-UAI Lady vs Foton (For 7th Place)
7 p.m. - Generika-Ayala vs Smart-Army (Knockout Quarterfinals)
MANILA, Philippines — Pinataob ng UP-UAI Lady Fighting Maroons ang Cocolife, 23-25, 25-20, 25-16, 25-13 habang nagwagi naman ang Foton laban sa UE-Cherrylume via default kahapon sa classification matches ng 2018 Philippine Superliga Invitational Conference kahapon sa Imus Sports Complex sa Cavite.
Hindi na pinatagal pa ng Lady Fighting Maroons ang laban at tinapos lamang ang laro sa mahigit isang oras at 35 minuto para masungkit ang una nilang panalo sa liga.
Pinangunahan ni Isa Molde ang Lady Fighting Maroons sa kanyang 17 puntos kabilang na ang 14 atake, isang block at dalawang aces habang umani rin ng 35 excellent sets na may kasamang pitong puntos si Arielle Estranero upang masiguro ang pagtatapos sa kanilang kampanya sa 8th place.
Bunga ng panalo, haharapin ng Diliman-based team ni coach Godfrey Okumu ng Kenya ang Foton Tornadoes sa battle for 7th place habang ang UE-Cherrylume ay lalaban kontra sa Cocolife bukas din para sa pang-siyam na puwesto.
- Latest
