Beram mananatili sa national team
MANILA, Philippines — Mananatili si Trenten Beram sa national team na sasabak sa 2018 Asian Games sa Palembang at Jakarta, Indonesia sa Agosto 18-Setyembre 2.
Ito’y makaraang tanggapin ni PATAFA president Philip Ella Juico ang paliwanag ni Beram kung bakit hindi siya lumaban sa Korean Open Athletics Invitational nitong nakaraang linggo sa Yecheon, South Korea.
Ayon kay Juico, naintindihan niya si Beram kung bakit hindi ito sumama sa Korea dahil pagod siya mula sa pagsali sa US NCAA.
“He made the mistake of going in the Ayala Open in Ilagan, Isabela really tired because of the US NCAA which has just been concluded during that time,” pahayag ni Juico.
Si Beram ang pambato ng bansa sa 200-m at 400-m sa athletics event ng quadrennial meet.
“He was really tired, he wasn’t able to return to compete in Korea, and he just really can’t,” sabi pa ni Juico.
Samantala, binigyan naman ni Juico si Eric Cray ng 10 araw para magpaliwanag kung bakit hindi siya sumipot sa nasabing tournament.
Si Cray, gold medalist sa nakaraang 2017 SEAG, ang isasabak ng PATAFA sa 400-m hurdles sa Asiad.
Bukod sa 400-m hurdles, kabilang din siya sa men’s 4x100-m relay kasama sina Beram, Clinton Bautista at Anfernee Lopena
- Latest
