Mainit ang debut ni Flink sa Gazz Angels
Laro Ngayo (Batangas City Sports Coliseum)
(Men’s)
10 a.m. Air Force vs Cignal
(Women’s)
2 p.m. Tacloban vs Creamline
4 p.m. Pocari-Air Force vs BaliPure
MANILA, Philippines — Maganda ang debut ni import Olina Lymareva-Flink nang tulungan nito ang Petro Gazz na kubrahin ang 25-22, 30-28, 25-13 panalo laban sa Iriga-Navy kahapon sa Premier Volleyball League Reinforced Conference sa The Arena sa San Juan City.
Humataw si Lymareva-Flink ng 16 puntos mula sa 12 attacks at apat na aces kasama ang 14 digs para sa Gazz Angels na sumulong sa ikalawang sunod na panalo sa limang laro.
“I only have two practices with this team before this game but I think we already found a connection and I hope to play better and better in our next games,” ani Lymareva-Flink na siyang pumalit kay Kadi Kullerkann na nagtamo ng injury.
Nag-ambag naman si middle blocker Cherry Nunag ng siyam na puntos habang may walo si Anastasia Trach, lima si Ranya Musa at apat naman si team captain Stephanie Mercado.
“I was so excited when I came here because it’s my first Asian country to play and people here are so nice. All the time they’re smiling. I like here a lot and I’m super happy that I came here,” wika pa ni Lymareva-Flink.
Nakakuha ng solidong 31 puntos ang Lady Oragons kina imports Macy Ubben at Lauren Whyte.
Ngunit gaya ng dati, bigong makakuha ng sapat na suporta ang dalawang reinforcements mula sa local players kung saan tanging tig-tatlong puntos lamang ang nagawa nina skipper Grazielle Bombita, Janet Serafica at Florence May Madulud.
Nakaungos ng bahagya ang Lady Oragons sa attack line 38-36 bentahe.
Subalit nakabawi ang Gazz Angels sa service area matapos kumana ng walong aces laban sa tatlo lamang ng Iriga-Navy.
Hawak din ng Petro Gazz ang 5-3 kalamangan sa blocking department.
Sa men’s division, wagi ang PLDT Home Fibr sa Philippine Army Troopers, 25-15, 25-10, 25-23 para umangat sa 2-2 baraha.
Bagsak sa 1-3 ang Troopers.
- Latest
