James, Cavs gumana, game 3 inagaw
CLEVELAND — Hindi pumayag si LeBron James na lalo pang mabaon ang Cavaliers sa kanilang best-of-seven series ng Boston Celtics.
“I have a huge responsibility for this team,” sabi ni James. “I have to score, I have to rebound and defend, make sure guys get involved, and I'm OK with that. I'm absolutely OK with that.”
Kumolekta si James ng 27 points at 12 assists para pangunahan ang Cleveland sa 116-86 panalo laban sa Boston sa Game Three ng Eastern Conference Finals.
Kumamada ang Cavaliers ng 32 points sa first quarter kumpara sa 17 markers ng Celtics para idikit ang kanilang serye sa 1-2.
May pagkakataon ang Cavaliers na makatabla sa Game Four sa Huwebes (Manila time).
Nag-ambag naman si Kyle Korver ng 14 points sa likod ng kanyang 5-for-5 fieldgoal shooting at perpektong 4-for-4 clip sa three-point range.
Humakot si starting center Kevin Love ng 13 points at 14 rebounds habang nagdagdag sina George Hill at JR Smith ng 13 at 11 markers, ayon sa pagkakasunod.
Si Fil-Am guard Jordan Clarkson ay tumipa ng 9 points mula sa 3-of-11 fieldgoal shooting para sa Cavaliers.
“I don't want to take away from their performance by talking about us,” sabi ni Celtics coach Brad Stevens. “They deserve all the credit. They deserve to be talked about, because they played great.”
Pinamunuan ni Jayson Tatum ang Boston mula sa kanyang 18 points at nagdagdag sina Terry Rozier, Jaylen Brown at Greg Monroe ng 13 at tig-10 points, ayon sa pagkakasunod.
- Latest