Last chance na ni Donaire
MANILA, Philippines — Alam ni dating world four-division champion Nonito ‘The Filipino Flash’ Donaire Jr. na ang resulta ng laban niya kay Carl Frampton ng Ireland ang magdidikta ng kanyang boxing career.
“It’s definitely a big fight with Carl Frampton as the opponent. In terms of our legacy, in terms of being an elite fighter, this is definitely a make or break fight for both of us,” sabi ni Donaire.
Tumimbang si Donaire (38-4-0, 24 KOs) ng 125.5 pounds habang mas mabigat si Frampton (24-1-0, 14 KOs) sa kanyang 125.25 pounds sa kanilang weigh-in kahapon para sa bakbakan nila ngayon (Manila time) sa SSE Arena sa Belfast, Ireland.
Pag-aagawan nina Donaire at Frampton ang WBO interim featherweight title kung saan ang mananalo ang maghahamon kay WBO king Oscar Valdez (24-0-0, 19 KOs).
Ayon sa 35-anyos na si Donaire, hindi na niya pakakawalan ang pagkakataon na muling makakuha ng title fight.
Naisuko ni Donaire ang dating hawak na WBO super bantamweight belt kay Mexican Jessie Magdaleno noong Nobyembre ng 2016 sa undercard ng Manny Pacquiao-Jessie Vargas fight sa Las Vegas.
“Frampton is easily one of the top three, top two guys out there. One of the best guys out there. That’s why we took this fight,” wika ng tubong Talibon, Bohol na ngayon ay nakabase sa US.
Ang 31-anyos na si Frampton ay dating featherweight king ng IBF at WBA.
Nanggaling si Donaire sa isang unanimous decision victory laban kay Ruben Garcia Hernandez para sa WBC silver featherweight title noong Setyembre.
- Latest
