Simula na ang aksyon sa 134th PSL National Series
MANILA, Philippines — Magbabakbakan ang tinatayang 500 tankers mula sa iba’t ibang panig ng bansa sa 134th Philippine Swimming League (PSL) National Series - Long Course Swim Meet na lalarga ngayong araw sa Alcala Sports Complex swimming pool sa Lucena City.
Itatanghal ang tatlong kategorya sa edisyong ito - Class A and B, Class C at Motivational - kung saan may tsansa ang mga swimmers na magkwalipika para sa 2019 Summer World University Games na gaganapin sa Naples, Italy.
Maliban sa Universiade, ang torneo ay magsisilbi ring tryout para sa international tournaments sa Japan, Thailand, Australia, China, United Arab Emirates at Singapore.
“We look forward for a blast off competitions for Universiade 2019 candidates and those that has recently attended the Age Group meet in Tokyo, Japan. PSL is really in a grassroot development program since it caters the youngest two years old up to oldest of 18 and over,” pahayag ni PSL President Susan Papa.
Gagawaran ng medalya ang tatlong mangunguna sa bawat event habang bibigyan naman ng tropeo ang mga tatanghaling Most Outstanding Swimmer sa kani-kanilang age groups.
“Our young swimmers must undergo this process of development as there is no shortcuts in sports, it is measured by time and PSL can not go wrong in giving rise to athletes. At the end, it must be parallel with our goal of having sound mind and body,” wika pa ni Papa.
Sariwa pa ang PSL sa matagumpay na kampanya sa 2018 Japan Age-Group Swimming Championship sa Tokyo, Japan kung saan humakot ang delegasyon ng 26 ginto, 19 pilak at walong tansong medalya kabilang ang 10 bagong rekord.
Malaki ang kontribusyon sa naturang tagumpay ng mga swimmers mula sa Lucena partikular na ang mga galing sa Quezon Killer Whales na hawak ni coach Virgie De Luna na kasama rin sa delegasyon sa Japan.
- Latest
