Falcons sumosyo sa liderato
Laro sa Lunes (Ynares Sports Arena, Pasig City)
12nn Batangas-EAC vs Che’Lu Bar
2 p.m. AMA Online vs JRU
MANILA, Philippines — Tinambakan ng Akari-Adamson ang University of Perpetual Help, 101-83 upang makisosyo sa liderato sa pagpapatuloy kahapon ng 2018 PBA D-League Aspirants’ Cup sa Ynares Sports Arena sa Pasig City.
Dahil sa panalo, nagsama ang Akari-Adamson at Centro Escolar University sa top spot ng standing sa parehong 8-2 win-loss card.
Matapos dumikit ang Altas, 67-70 sa ikatlong yugto, nagpaulan ng 8-0 run sina Papi Sarr at Sean Manganti para maiangat ang agwat ng Falcons sa sampung puntos, 84-74 tungo sa malaking panalo.
Nakumpleto ni Sarr ang three-point play para sa 87-76 bentahe at mula rito hindi na nila pinakawalan pa ang kalamangan hanggang matapos ang laro.
Buynga ng kabiguan bumaba ang koponan ni coach Frankie Lim sa 3-6 win-loss slate.
Umani si Sarr ng 16 puntos na may kasamang anim na rebounds habang si Manganti ay tumulong ng 14 puntos, siyam na rebounds, pitong assists at tatlong steals para sa Falcons.
Kung manalo pa ang Akari Falcons sa huli nilang laro laban sa Jose Rizal University sa Abril 5, didiretso sila sa semifinals.
Sa iba pang laro, nagwagi ang Zark’s Burger-Lyceum kontra sa Jose Rizal University, 91-81 para manatili ang tsansa na makapasok sa playoff round.
Sumadsad ang Heavy Bombers sa ilalim ng standing sa 1-8 win-loss slate.
- Latest