NLEX, Magnolia binuk-anay sa baraha

CEBU, Philippines — Usa ka koponan ang mopaduol sa finals sa krusyal nga Game 5 tali sa NLEX Road Warriors ug Magnolia Hotshots karong gabii didto sa Ynares Center.

Ang NLEX nakahimo pagtabla sa serye 2-2 human mibawos pinaagi sa paglubong sa Magnolia, 91-79 sa Game 4 niadtong Biyernes didto sa    Mall of Asia.

Ning higayona, si NLEX coach Yeng Guiao gusto nga masubli ang ilang dominanteng kadaogan ug moduol sa  damgo nila nga moduwa sa finals sa labing unang  higayon.

Si Guiao maglaum  gihapon nila ni Kiefer Ravena, Cyrus Baguio ug Cebuano JR Quiñahan Hinuon, si Guiao nangandam na sa bangis nga pagbalik sa Magnolia nga iyang gihulagway nga nakuratan ra sa init nilang shooting. 

Si Magnolia coach Chito Victolero nagkanayon nga sayang ang kahigayonan nga motukod unta og 3-1 nga bentaha, apan kalimtan na nila kini ug mopokus sa duwa karong gabii.

Ang modaog karon dako’g tsansa nga motapos sa series sa Game 6 unya sa Martes didto sa Smart Araneta Coliseum.