Valenzuela Classics isinalba ni Javillonar
Laro Ngayon(Muntinlupa City Sports Complex)
7 p.m. Bataan vs Bulacan
9 p.m. Muntinlupa vs Imus
MANILA, Philippines — Sumandal ang Valenzuela Classics sa limang pressure-packed free throws ni Jeff Javillonar upang maka-eskapo laban sa Quezon City Capitals, 84-79 sa pagpapatuloy ng Maharlika Pilipinas Basketball League Anta Rajah Cup noong Huwebes ng gabi sa Valenzuela City Astrodome.
Tabla ang iskor sa 79-79 nang mag-split si Javillonar mahigit 17 segundo na lang ang natitira at pagkatapos magmintis sa ikalawa nakuha naman ni Ford Ruaya ang rebound kaya balik na naman si Javillonar sa foul line para sa tatlong puntos na bentahe, 82-79 may 14 segundo na lang ang nalalabi.
Sa return play, nagmintis si Joco Tayongtong sa minadaling triples at muling bumalik si Javillonar sa charity lane para sa final score at maitala ang kanilang pang-anim na panalo sa siyam na laro.
Dahil sa magandang panalo na ikinatuwa sa jampacked pro-Valenzuela crowd, tinapos ng quarterfinal-bound Classics ni coach Chris Gavina ang kanilang elimination round assignments sa solo second spot sa likuran ng nangungunang Batangas Athletics na hawak ang 8-1 win-loss kartada.
Ang QC Capitals naman ay bumaba sa sosyohan sa pang-lima hanggang sa pang-anim na puwesto kasama ang Navotas Clutch sa parehong 5-4 record.
Umakyat naman ang Navotas Clutch sa pang-limang upuan bunga ngkanilang 78-74 panalo kontra sa Parañaque Patriots sa curtain raiser game.
Ang Patriots ay bumagsak sa solo 7th place sa 4-5 card.
- Latest