Thai actress ipares kang Alden
CEBU, Philippines — Niulbo karon ang report nga matud pa duna’y upcoming project si Alden Richards sa GMA-7 kung diin matud pa makapares niya ang usa ka Thai actress.
Giingon maka-partner sa GMA-7 ang usa ka production company nga nagbase didto sa Thailand.
Wala pa mohatag og tubag ang Kapuso network kalabot sa maong taho.
Pipila ka fans nila ni Alden ug Maine Mendoza ang niisa ang kilay pagkadungog sa maong balita.
Erich emosyonal sa positibong reaksyon
Nakahilak si Erich Gonzales tungod sa mga positibong feedback nga nadawat sa serye niya nga The Blood Sisters sa ABS-CBN.
Nisamot ang pagka-emosyonal ni Erich sa dihang gidayeg usab siya sa co-stars niya sa maong serye.
“Sobrang overwhelming lang talaga, nakakataba ng puso kasi naa-appreciate nila yung trabaho ninyo, napapanood nila, nagugustuhan nila, maganda ang feedbacks nila, yung mga reviews. Pag nababasa mo ang mga ganun, okay na, like yung pagod na napi-feel mo, okay, we’re doing this for them. We have a good show, thank you Lord. Sana magtuloy-tuloy,” suma pa sa aktres.
Angelica gisurpresa ni Carlo
Nasurprisa og maayo si Angelica Panganiban sa dihang gibisita siya sa iyang ex-boyfriend nga si Carlo Aquino atol sa paglusad sa iyang libro nga
“Para Kay Ex” niadtong Sabado.
Samtang gikahinabi ni Angelica ang reporters , kalit nga nilugwa si Carlo ug nagdala kini og buwak.
“Hayop ka,” suma pa ni Angelica kinsa nakugang sa presenya ni Carlo.
Todo siyagit gumikan sa kakilig ang mga tawo naa sa ilang palibot niadtong higayona.
- Latest