Donnie pararangalan sa SMC-PSA Awards Night
MANILA, Philippines — Si reigning International Boxing Federation (IBF) flyweight champion Donnie ‘Ahas’’ Nietes ang babandera sa listahan ng mga individuals at entities na pararangalan sa SMC-PSA (Philippine Sportswriters Association) Awards Night bukas sa Maynila Hall ng Manila Hotel.
Si Nietes, naipagtanggol ang hawak na IBF flyweight belt kontra kay Juan Carlos Reveco ng Argentina kahapon sa Inglewood, California, ang mamumuno sa 26 pang awardees sa annual event ng pinakamatandang media organization sa bansa at inihahandog ng MILO at Cignal TV.
Makakasama ng long-time boxing champion sa entablado sina Grand Master Joey Antonio, Asian Indoor and Martial Arts Games gold medal winners Margaret Ochoa at Annie Ramirez at dating ONE Championship lightweight title holder Eduard Folayang.
Bibigyan din ng parangal sina golfers Pauline del Rosario at Bianca Pagdanganan, EJ Obiena, Carlos Yulo, Toni Leviste, Kareel Meer Caniezo Hongitan, Jan Paul Morales, Ivan Malig (bowling), Arnel Mandal, Divine Wally, Jomar Balangui, Elien Rose Perez at Veronica Ompod.
Ang iba pang nasa listahan ay sina Jacob Ang, Milo Rivera, Jovelyn Gonzaga, ang Centennial III, Cignal, Ceres Negros FC, Philippine softball team, Philippine women’s football team at Shell National Youth Active Chess.
Ang nasabing citations ay hiwalay sa award na ibibigay sa lahat ng gold medal winners sa 29th Southeast Asian Games at sa 9th ASEAN Para Games noong nakaraang taon sa event na suportado ng Philippine Sports Commission (PSC) bilang major sponsor kasama ang Philippine Basketball Association (PBA), Mighty Sports, GlobalPort, Rain or Shine at Smart.
Sina world champions Jerwin Ancajas, Krizziah Lyn Tabora at Carlo Biado mula sa kabuuang 105 awardees ang tatanggap ng PSA-Tapa King Athlete of the Year award mula sa sportswriting community sa bansa.
Ang iba pang honorees ay ang 2023 FIBA World Cup bid team sa pamumuno ni Manny V. Pangilinan (President’s Award), Ramon S. Ang at Judes Echauz (Executives of the Year), Triathlon Association of the Philippines (NSA of the Year), Augusto ‘Gus’ Villanueva (Lifetime Achievement Award), June Mar Fajardo (Mighty Sports Mr. Basketball), Marc Espejo and Dawn Macandili (Mr. at Miss Volleyball), Clyde Mondilla (Mr. Golf) at Terrence Romeo (Mr. Fan Favorite ‘Manok ng Bayan’ Award).
Ang guest of honor at keynote speaker ay si Department of Agriculture Secretary Manny Piñol, dating sportswriter, columnist at boxing analyst.
- Latest