“Live Show”

Hugyaw nga BisChika mga KaBisChika!!! Hmmmm…ang uban diha busy na kaayo og gym kay nagkaduol na ang summer! Tigiay na kini sa lawas kon moadto ka sa beach labi na sa mga resorts, maglaway ka sa mga naglakaw lakaw o naligo nga hugyaw ang lawas! Hahahahaha! Pero sa mga parehas nako’g lawas dili maguol mag t-shirt lang gyud ta maligo para matago ang mga gitagong lawas nga murag aliwas! Pero sige lang ang importante niini kay nagpasingot ka para ang hangak makuhaan gamay. Ang pagpagamay kay dili joke, pero unsaon man gyud oi kining atong trabaho kay nagkinahanglan man og tumang kusog mao nga dili malikayan ang mokaon.

Apan kining atong Kinsa Siya mahitungod sa usa ka aktor nga game kaayo!? Mao kini ang BisChika sa atong Kinsa Siya Insider nga iyang nailaila ang aktor sa usa ka page sa social media. Wow ha? Aktibo ang aktor??? Para makita nimo ang aktor nga very sexy dapat naa siya’y mga request nimo para mopakita siya. Tuod man,ang atong Kinsa Siya Insider nga interesado kaayo nga makit-an ang aktor nga very sexy…mura’g estudyante ang feeling sa Kinsa Siya Insider kay ni comply pud kaayo siya. Kon mabuhat nimo ang iyang mga gusto nga ipabuhat…..Viola!!!!! Makasulod ka sa iyang account unya makit-an nimo siya nga very sexy. Unsa gyud ka sexy si aktor? Ang tubag sa atong Kinsa Siya Insider mao nga makit-an nimo sa abtikay ang iyang…..alams na. Kay kalit man kuno niya hubuon ang tuwalya nga nakatapis sa hawak. Mao nga ikaw magtan-aw, ma shock! Pero kon unsa ka abtik ang aktor kay ing-ana usab ka abtik ang atong Kinsa Siya Insider kay nakakuha kini siya og picture. Noh? Di ko pwede ani kay di man ko abtik! Kinsa Siya kining aktor nga very game kaayo sa iyang mga fans basta mabuhat nimo ang iyang mga requirements? Taas, mestizo, gwapo. Gani, nahimo kining Pantasya sa mga kababaihan ug mga feeling pa-girl tungod sa mga sexy photos ug pelikula. Dili na kini kaayo visible sa TV kay na minyo na siya… meaning taken na si aktor? Pero nganong mag on cam show pa man siya? Ahhhhh… ang tawag ana kay trip lang niya! Hahahahah! Hugyaw ha!

Sa laing bahin, bukas na ang ika 14 nga branch sa Skin911 sa amihanang bahin sa Sugbo. Kini nahimutang sa Second Floor Orosia Building, Consolacion Cebu. Ang maong opening gisugdan sa usa ka caravan, gisunod dayon ang ribbon cutting! Ang uban natong kauban sa media nagpagwapa dayon! Meaning gisuwayan ang mga serbisyo nga gi-offer sa Skin 911. Congratulations to Mam Leah Velasco – CEO ug sa mga franchisee nga silang Melissa Marie Basubas, Edvie Tan, Jihan Almendras ug sa iyang mga kaubanan.