Bonus swak sa Hotshots
Laro sa Miyerkules(Mall of Asia Arena,Pasay City)
4:30 p.m. TNT Katropa vs NLEX
7 p.m. RoS vs San Miguel
MANILA, Philippines — Kasabay ng pagtapos sa kanilang apat na sunod na kamalasan sa mga out-of-town games ay tuluyan nang inangkin ng Magnolia ang ikalawang ‘twice-to-beat’ incentive sa quarterfinal round.
Kumawala ang Hotshots sa second quarter para patalsikin ang Meralco Bolts, 94-65 sa 2018 PBA Philippine Cup kahapon sa Xavier University Gym sa Cagayan De Oro City.
Ang pang-walong panalo ng Magnolia ang nagbigay sa kanila ng ikalawang ‘twice-to-beat’ bonus sa eight-team quarterfinals cast.
Nagwakas naman ang two-game winning run ng Meralco, tinalo ng Barangay Ginebra para sa korona ng 2017 PBA Governor’s Cup, pati na ang kanilang pag-asang makapasok sa quarterfinals.
Bumandera si combo guard Paul Lee sa kanyang tinapos na 21 points mula sa 12-of-17 fieldgoal shooting habang nagdagdag sina Ian Sangalang at rookie Robbie Herndon ng 12 at 10 markers, ayon sa pagkakasunod, para sa koponan ni head coach Chito Victolero.
Mula sa 22-22 pagkakatabla ay umarangkada ang Hotshots para itakbo ang 12-point lead, 44-32 sa halftime patungo sa pagpoposte ng 21-point advantage, 66-45 laban sa Bolts galing sa banked shot ni Bambam Gamalinda sa huling 1:43 minuto ng third period.
Lalo pang pinalaki ng Magnolia ang kanilang kalamangan sa 84-57 sa huling 4:26 minuto ng final canto para alisan ng pag-asang makahabol ang Meralco.
Magnolia 94 - Lee 21, Sangalang 12, Herndon 10, Melton 8, Simon 8, Barroca 7, Mendoza 5, Reavis 4, Pingris 4, Gamalinda 4, Brondial 4, Pascual 4, Dela Rosa 3.
Meralco 65 - Newsome 13, Sedurifa 10, Lanete 9, Caram 8, Ballesteros 6, Amer 5, Salva 4, Canaleta 4, Faundo 4, Hugnatan 2, Dillinger 0, Bono 0, Tolomia 0, Baracael 0.
Quarterscores: 20-15; 44-32; 68-48; 94-65.
- Latest
