Balkman bumida sa panalo ng Alab
(Pilipino Star Ngayon) - February 9, 2018 - 12:00am

Laro sa Linggo(GOR CLS Kertajaya Gym, Surabaya, Indonesia)

7 p.m. - Alab Pilipinas  vs. Indonesia CLS Knights 

MANILA, Philippines — Isinalpak ni import Renaldo Balkman ang winning basket sa huling 3.8 se­gundo ng laro para itakas ang San Miguel Beer-Alab Pilipinas laban sa Thailand Mono Vampire, 86-84, no­ong Miyerkules ng gabi sa 2017-2018 ASEAN Basketball League sa Baliwag Star Arena sa Baliwag, Bulacan.

Tinanggap ni Balkman ang magandang pasa mu­la kay Justin Brownlee at umis­kor ng layup para bu­ra­hin ang 84-84 pagkakatabla.

May natitira pa sanang oras matapos ang basket ni Balkman, ngunit sinupalpal ni Brownlee ang tira ni da­ting PBA import Michael Singletary para masungkit ng Alab Pilipinas ang pang-anim sunod na panalo.

Ito ang kabuuang pang-siyam na panalo ng Pilipinas upang umakyat sa solo third spot sa 9-4 kartada at ilaglag ang Mono Vampire sa pang-apat na puwesto sa 9-5.

Nanatili ang nag­de­de­pen­sang Hong Kong Eas­tern Lions sa unahan ng stan­ding sa 9-2, habang ang Chong Son Kungfu ng Chi­na ay pumapangalawa sa 8-2 kasunod ang Singa­pore Slingers (7-7) at Saigon Heat (5-6).

“It’s really all team effort, everybody works together and wants to win this game. With this victory, right now I think we can make it to the top. All we just have to do now is take the game one at a time,” sabi ni Balkman.

Bukod kay Balkman,  umiskor din si Brownlee ng 16 puntos, ang 12 dito ay mula sa three-point line bukod pa sa 12 rebounds, 8 assists, 4 steals at 5 block shots.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with