De Ocampo isasalba ang tsansa ng Bolts
Russell Cadayona (Pilipino Star Ngayon) - September 14, 2017 - 4:00pm

Laro Ngayon(Smart Araneta Coliseum)

4:15 p.m. Alaska vs Meralco

7 p.m. Globalport vs Star

MANILA, Philippines — Itatampok ng Bolts si veteran forward Ranidel De Ocampo sa kanilang hangaring mapatibay ang tsansa para sa Top Four.

Inaasahang gagamitin ni one-time PBA Grand Slam champion coach Norman Black si De Ocampo sa kanilang depensa para pigilin ang three-game winning streak ng Aces.

“Once again we will rely on our defense to try and get the win,” ani Black sa pagsagupa ng kanyang Meralco sa Alaska ngayong alas-4:15 ng hapon sa 2017 PBA Governor’s Cup sa Smart Araneta Coliseum.

Ang No. 1, 2, 3 at 4 teams ang magbibitbit ng ‘twice-to-beat’ advantage laban sa No. 8, 7, 6 at 5, ayon sa pagkakas­unod.

Naidiretso ng Aces sa tatlo ang kanilang pag-arangkada matapos talunin ang sibak nang Kia Picanto, 102-94 noong nakaraang Linggo para palakasin ang kanilang pag-asa sa eight-team quarterfinals cast.

“This is a tough situation for us,” sabi ni Alaska mentor Alex Compton. “We have what is a must-win against one of the very best teams in our league.”

Sa ikalawang laro sa alas-7 ng gabi ay kapwa ha­ngad ng Star at Globalport na makabangon mula sa kani-kanilang kamalasan.

Nahulog sa tatlong sunod na kamalasan ang Hotshots matapos ang 4-0 panimula, habang naisuko naman ng Batang Pier ang tatlo sa kanilang huling apat na asignatura.

 Muli namang sasandalan ng Globalport si Fil-Am Stanley Pringle, hindi naglaro sa huling dalawang laban ng Batang Pier dahil sa pagkamatay ng kanyang ama sa Amerika.

Ang mga ito ay laban sa San Miguel Beermen, 112-115 at NLEX Road Warriors, 99-109. 

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with