^

Warriors kumikikig pa, humirit ng Game 7 sa Thunder

Boy Abunda (Pilipino Star Ngayon) - May 30, 2016 - 12:00am

OKLAHOMA CITY - Ipinasa ni Stephen Curry ang responsebilidad kay Klay Thompson at hindi siya pinahiya ng kanyang ‘Splash Brother’.

At nang mag-init si Curry, tiniyak na ng Golden State Warriors ang mu­ling paglalaro sa kanilang record-setting season.

Nagsalpak si Thompson ng playoff-record na 11 three-pointers at tumapos na may 41 points para igiya ang defending champions sa 108-101 panalo laban sa Oklahoma City Thunder sa Game 6 ng Western Conference final.

Ang panalo ang nagtabla sa Warriors sa Thunder sa 3-3 sa kanilang best-of-seven series.

Nakatakda ang Game 7 sa Lunes (Martes sa Manila) sa Oakland.

Nagdagdag naman si Curry ng 29 points, 10 rebounds at 9 assists.

Pipilitin ng Warriors, nagposte ng NBA regular-season record na 73 wins, na maging pang-10 koponan na nakaba­ngon mula sa 1-3 deficit at makuha ang karapatang labanan ang Cleveland Cavaliers sa NBA Finals.

“We’ve got a lot of belief and a lot of heart, and we’ve given ourselves a chance to win this series,” wika ni Curry. “That’s all we could ask for. There’s obviously a lot of excitement, but we still have one job to do.”

Kumamada si Thompson ng 19 points sa fourth quarter para tulungan ang Warriors na makabawi sa eight-point deficit.

Dinomina ng Oklahoma City ang Games 3 at 4 sa kanilang tahanan, ngunit tumipa ang Warriors ng 21-of-44 shooting sa 3-point line sa Game 6 kumpara sa 3-of-23 ng Thunder.

Pinamunuan ni Kevin Durant ang Oklahoma City sa kanyang 29 points kasunod ang 28 ni Russell Westbrook.

Nagtala si Durant ng 10-of-31 shots at may 10-of-27 si Westbrook.

DENISE LAUREL LIFESTYLE NETWORK MICHAEL PANGILINAN MODERN GIRLS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with