Aguilas nakatikim na ng panalo sa 5th DELeague
MANILA, Philippines – Dinagit ng Mindanao Aguilas ang una nitong panalo nang pabagsakin ang Our Lady of Fatima University (OLFU), 78-72, noong Martes ng gabi sa 5th DELeague Basketball Tournament sa Marikina Sports Center, Marikina City.
Si Rene Pacquiao ay gumawa ng 20 puntos, siyam na rebounds at limang assists habang si Abdul Wahad ay may 16 puntos at 16 rebounds bukod sa apat na assists para sa unang panalo sa tatlong laro ng Aguilas.
Gumawa naman ng 22 puntos at anim na rebounds si Romly Jornacion habang si Juanico ay nagtapos na may siyam na puntos para sa OLFU na nananatiling walang panalo sa ligang sinusuportahan ng PSBank, Accel Sportswear, PCA -Marivalley, Angel’s Burger, Mckie’s Construction Equipment Sales and Rentals, Luyong Panciteria, Azucar Boulangerie and Patisserie, JAJ Quick Print Advertising, Mall Tile Experts Corporation, Jay Marcelo Tires, Polar Glass and Aluminum Supply, at nina Mr. and Mrs. Dot Escalona.
Mabibili ang ticket sa halagang P10.
Para sa resulta ng mga laro maaaring bisitahin ang www.sports29.com.
- Latest
