4 pang teams mag-uunahan sa panalo sa PBA D-League
Ni ATan (Pilipino Star Ngayon) - October 25, 2012 - 12:00am

MANILA, Philippines - Apat pang koponan ang maghahabol sa unang panalo sa pagpapatuloy ng PBA D-League Aspirants Cup sa Ynares Sports Arena sa Pasig City.

Unang sasalang ang Big Chill laban sa collegiate team na Jose Rizal University sa ganap na alas-2 ng hapon bago sundan ng pagtutuos ng baguhang Frui­tas at Café France dakong alas-4.

Ang mananalo ay ma­kakasalo ng Cagayan Ri­sing Suns at Cebuana Lhuillier na kumuha ng ka­nilang unang panalo sa pagbubukas ng liga noong Martes.

Tinalo ng Rising Suns ang Informatics Icon, 89-85, habang umukit ang Gems ng 86-76 panalo sa Boracay Rum.

Nawalan man ng mahahalagang manlalaro, nakuha naman ni coach Robert Sison sina Terrence Romeo, Ryan Buenafe at Arvie Bringas para pagti­bayin ang laban ng kopo­nan na pumangalawa sa NLEX noong nakaraang conference.

Unang pagkakataon na sumali ang Heavy Bom­bers sa liga at sasandalan ni coach  Vergel Meneses at bukod sa pagbitbit sa mga matitikas na kamador na sina John Byron Villarias, John Lopez, Alex Almario at Michael Mabulac, kinuha rin niya ang serbiso ng ibang NCAA players na sina Kenneth Ighalo, Michael Miranda, John Pinto at ex-UST gunner Khazim Mirza.

ALEX ALMARIO ARVIE BRINGAS BIG CHILL BORACAY RUM CAGAYAN RI CEBUANA LHUILLIER D-LEAGUE ASPIRANTS CUP HEAVY BOM INFORMATICS ICON JOHN BYRON VILLARIAS
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with