Azurin sa 5-man committee, inangalan!
Maraming Pinoy ang nagulat sa pag-appoint ni President Bongbong Marcos kay PNP chief Gen. Junaz Azurin sa 5-man committee na magrerebisa sa courtesy resignation ng mahigit 950 na 3rd level PNP officers. Ang tanong ng mga kosa ko; “Wala na bang magaling, may integridad at makabayan sa 110 milyon na Pinoy para gampanan ang trabaho at si Azurin lang ang puwede? Araguyyyyy!!
Matatandaan na si Azurin ay nagsumite rin ng kanyang courtesy resignation at ang mangyayari ngayon ay rerebisahin niya ang sariling papeles? Dipugaaaaa! Ano ba ‘yan? Hindi lang ‘yan! Panay naman anunsiyo ni Interior Sec. Benhur Abalos na ang courtesy resignation ay rekomendado ni Azurin kaya may target na talaga siya at paktay ang mga ito kapag naimpluwensiyahan niya ang mga kasamahan, di ba mga kosa? Kasi nga sa 5-man committee, tiyak magpapalitan din sila ng mga ideya at kuro-kuro at lagot ‘yung tatamaan ng kidlat ni Azurin. Eh di wow! Hehehe!
Dapat mamili si Azurin kung saan ba talaga siya—sa PNP o sa 5-man committee at ang sobra ay ibigay naman sa ibang kuwalipikadong Pinoy para may pagkaabalahan din sila. Dipugaaaaaa!
Subalit kung titingnan mga kosa ang reaction ni Azurin patungkol sa appointment niya sa komite, abayyyy mukhang wala naman siyang balak magbitiw “for the sake of delicadeza.” “I am honored and at the same time grateful to His Excellency, President Ferdinand Marcos Jr. for appointing me as one of the members of the committee who will evaluate the 3rd level PNP officers on their fitness to continue serving the organization. My gratitude also goes to SILG Atty. Benjamin Abalos Jr. for supporting this endeavor and endorsing the noble cause to the president,” ‘yan ang statement ni Azurin.
Alam naman ni Azurin na magiging masalimuot ang role nya sa komite. “This moment in the PNP’s transformation journey will surely carve a mark in the nation’s history, and I am proud to be part of it,” ang giit ni Azurin. “As a long time member of uniformed service, I am a living witness in the birth pains and shaping of the PNP. It is my personal belief that this event came in to picture at the right time and opportunity and with this once in a lifetime pursuit it define the character of each 3rd level officer,” ang dagdag pa ng PNP chief.
Ipinangako ni Azurin na ang proseso ay zero tolerance sa personal biases at political color. Aniya, magiging fair, objective at judicious sila sa sa komite sa pagreview ng bawat dokumento. Eh di wow! Tsk tsk tsk! Maayos naman ang paliwanag ni Azurin sa isyu, di ba mga kosa? Dipugaaaaa!
Sa parte naman ni Baguio City Mayor Benjie Magalong, naging kasama siya ni Azurin sa PAOCTF, si ret. Gen. Isagani Nerez naman ay sa OPAPA at kasama ni Ka Popong para italaga siya na PNP chief. Si ex-Defense chief Gilbert Teodoro? Ang sinisiguro ko lang ay idol siya ng kababayan ko na si Jaime Laude. Hehehe! Hindi pa magkakaroon ng linaw ang kaguluhan sa PNP hanggang magretiro si Azurin sa Abril 23. Extension? Abangan!
- Latest
