Kalamidad sa Mindanao

Dumadalas na ang mga pagbaha, landslide at pag­lindol­ sa iba’t ibang bahagi ng Mindanao na dati ay hindi na­man­ naabot ng ganun katinding mga sakuna na ikina­matay nang maraming tao at marami rin ang na-di-displace.

Dati nga ang naging panghikayat upang ang mga investors ay maglagay ng negosyo rito sa katimugan­ ay dahil nga typhoon-free ang malaking bahagi ng Min­danao­. Mali­ban sa come-on na ito, mayaman din sa natural­ resources lalo na sa agrikultura mula sa karagatan at kalupaan.

Ngunit nitong mga huling araw, hindi na maikaila na nang­yayari na ang sinasabing epekto ng climate change  at nandun­ na ang mga matinding pag-ulan na walang humpay na nagdadala nang malawakang baha at landslide sa mga bayan sa Maguindanao, North Cotabato, Davao del Sur at Davao Occidental.

Milyones ang inabot sa mga nasirang mga pananim at  infrastructure dahil nga sa mga pagbaha na sinabayan pa ng pagguho ng lupa o landslide.

Hindi na biro ang rangyayari sa Mindanao at kailangan na ng ibayong paghahanda at estratehiya ng pamahalaan upang matugunan ang mga pangangailangan ng mga apek­tadong mamamayan sa panahon ng sakuna.

Kailangan na rin ng panibagong pagtingin sa panga­ngailangan ng mga taga-Mindanao.